Column Gait van de Renderklippen: Raozend

Ze staot slechts ene letter van ekare of: verkeer en verkeerd. Mar dat is dan ok ’t enige waorin ze van mekare verschilt. “t Ene lup muuiteloos in ’t andere over. Net effies achter ‘t stuur een hand of voet teveule vrieheid geven en ie heb ’t schaop an ’t drieten. Dan heb ik ’t nog helemaole niet aover de kronkels in de baovenkamer die d’r veur zorg da-j veur oezelf en een ander de boel verrabbezak.

Gien plekke waor een mense zich zo op kan wienden dan op de fietse,  de motor of in zijn autogien. Altied hef de ander ’t edaon, mar slietage an ’t benul in de eigen baovenkamer minstens net zo vake de oorzake. Dan toch kan ’t ok ligge an een dädde petieje.

Dat is de leste tied waor a-j ok kom de overheid. D’r is gien darp of stad waor ze niet an ‘t bréken bint. Vervélend genog mar pas ech slim as verkeersbegeleiders niet veur de taak berékend bint. Dat mos ik zo neudig ondergaon en nog wel wiet van huus in de buurte van Zutphen. Op de A1 worden ‘t al dudelijkj dat ik mien schraqp mosse zetten veur wat mien te wachen stun. 

Vädder dan Gorssel kwam ik niet. Twee begeleiders, die jammer genog de taal niets praken, gienm ABN en gien dialecdt, maken mien dudelijk dat ik via de eerste weg links en de dädden rechts deur collegaas vädder ehölpen zol worden. 

De beschrieving kloppen, mar ik scheute d’r niks mee op. Een van de twee mannagies daor, die wel de taal verstun, vertellen dat ziewn maoten ‘;t iets vadder op bie ’t verkeerde ende hadden. Dus ikj weer terug. Mar daor hielen ze gewoon de poot stief. Bloeddruk dikke aover de honderd a-j ’t mien vraog. Weer terug. Daor hielepn ze mien in zovarre deur de eerste blokkade iets in de oren te fluusteren. 

Ik joed d’r op of en had ze misscdhiens van de pinnen ereejen as ze niet al var van te veurten hadden staon zwaaien dat ik deur kon. Ikj heb naovraog edaqon. ‘t Was bie de eerstennniet deur edrungen dat zie ‘t verkeer deur konnen laoten en de collega’;s d’r stunnen umme de boel tegen te hollen. Mar ‘t bint wel de nieje Nederlanders die daor de hele dag in de kolde staot. Ik bin weer wawt of ekoeld en van paors via rood naor wit of ezak. Groetenisse van GAIT.